Pas letrës së kryetarit të Bashkisë së Korçës, Sotiraq Filos, i cili kërkon refuzimin e kërkesës së kompanisë GPP për ndërtimin e një TEC-i me gaz në afërsi të qytetit të Korçës, ka reaguar ministri i Turizmit dhe Mjedisit, Blendi Klosi.
Sotiraq Filo letër dy ministrave të Ramës për TEC-in në Korçë
Ministri Klosi, përmes një reagimi në ‘facebook’ i përgjigjet kryebashkiakut duke e cilësuar debatin ‘një zhurmë tipike e politikës së sajesave për sherr!’, pasi sipas tij, s’ka asnjë autorizim e asnjë leje.
Klosi mohon të jetë dhënë leje për ndërtimin e TEC-it, ndërkohë që shprehet se është dhënë thjesht një miratim në parim, si investim strategjik.
“TEC-i Korçës një zhurmë tipike e politikës së sajesave për sherr! S’ka asnjë autorizim e asnjë leje jo e jo, po thjesht një miratim në parim si investim strategjik. Për sa kohë s’ka një projekt të standardeve të BE-së, s’ka asnjë shans jo për të nisur punë, po për asnjë autorizim!”, shkruan ai.
