Një autore libri e kishte parashikuar vite më parë koronavirusin, e po kështu edhe një film ka trajtuar këtë pandemi. Shumë skeptikë mund të ngrenë pyetje të shumta, por ama një film duket se ka qënë një parashikues mjaft i mirë. Miliona njerëz në të gjithë globin janë vetë-izoluar në shtëpitë e tyre, për shkak të virusit vdekjeprurës.
Mediat e huaja shkruajnë se filmi “Contagion”, një prodhim i vitit 2011, është renditur si një ndër filmat më të shikuar gjatë periudhës së shpërthimit të koronavirusit.
Filmi flet për një virus pandemik që shpërndahet me shpejtësi, i cili u merr jetën 26 milionë njerëzve në të gjithë botën. Në film bëhet fjalë për virusin e quajtur MEV-1. Ai e ka origjinën në Azi dhe transmeton përmes prekjes, ndërsa simptomat e tij janë të ngjashme me koronavirusin.
Shumë njerëz e kanë cilësuar këtë film si “parashikuesin” e mbërritjes së koronavirusit.
Filmi është prodhuar nga gjigandi Warner Bros. Ata kanë njoftuar se “Contagion” rezulton filmi më i kërkuar në katalogun e Warner Bros, pas Harry Potter.
Situata në botë është alarmante. Komisioni Evropian propozon ndalimin e udhëtimit 30-ditor në vendet e Bashkimit Europian, për shkak të koronavirusit. Presidentja e Komisionit Europian Ursula von der Leyen tha se propozoi këtë masë gjatë një konference nëpërmjet telefonit me drejtuesit e G7.
Italia ka kufizuar shumë hyrje-daljet nga vendi, ndërsa vendet fqinje me të kanë marrë masa për mbylljen e kufijve për shkak të koronavirusit. Masa e propozuar nga Ursula von der Leyen, vjen në një moment që Europa është shndërruar e gjitha në “Zonë të kuqe” dhe po përballet me mijëra të infektuar nga koronavirusi.
Ekspertët vlerësojnë se COVID-19 mund të vazhdojë edhe në muajt e ardhshëm.
Virusi pritet të shkaktojë një seri sfidash si për ata që vuajnë nga sëmundja, ashtu edhe për ata që janë të shëndetshëm. Një epidemiolog kinez tha se COVID-19 mund të vazhdojë të qarkullojë për muajt e ardhshëm.
