Filmi “Kësulat” do të shfaqet për herë të parë në Londër më 4 nëntor. Filmi nën regjinë e Alan M.Trow pasqyron jetën e dy familjeve, shqiptare dhe asaj serbe, të cilat njihen prej kohësh dhe kanë fqinjësi të denjë, në një fshat të Kosovës, të cilat ndahen për shkak të luftës në vitin 1999.
Producenti i filmit Blerim Kaciu ka treguar se filmi është realizuar në Kosovë, në komunën e Podujevës, në fshatrat Pollog dhe Dumnicë, kurse postproduksioni është bërë në Angli.
Skenaristi Jimi Tihofsi ka treguar se zanafilla e projektit daton rreth 14 vite më parë. Shkak për shtyrjen e projektit ka qenë mungesa e fondeve, të cilat ishin refuzuar dy herë nga Qendra Kinematografike e Kosovës.
Kasta e aktorëve përbëhet nga Selman Jusufi, Bislim Muçaj, Meli Qena, May-Linda Kosumoviç, Ismail Kasumi, Fatime Sefaj, Labinot Raçi.
Ndërsa këtë të shtunë, “Kësulat” vjen premierë në Kinemanë ABC duke filluar nga ora 20:00 dhe do të vazhdojë të shfaqet për një javë rresht në repertorin e rregullt të Kinemasë ABC, çdo ditë në ora 20:00.