Pak çaste më parë ka përfunduar takimi i kreut të PD-së, Lulzim Basha, me kryetarët e degëve në të gjithë vendin, të cilëve iu ka shpjeguar sot vendimin e marrë për ish-kryeministrin Sali Berisha.
Kryedemokrati Basha ka kërkuar që kryetarët e degëve të kishin celularët e tyre të fikur, me qëllim shmangien e çdo mundësie që informacionet të rrjedhin në media. Basha ka përmendur si argumente për përjashtimin e Berishës edhe prova që dyshohet se mund ti kenë ardhur më herët nga amerikanët.
Mbledhja në fjalë vjen në një kohë kur Partia Demokratike është e përçarë, pasi një pjesë e madhe janë kundër vendimit të Bashës për të përjashtuar Berishën. Tre demokratë iu bashkuan Berishës dje që e shoqëruan në Kuvend; Flamur Noka, Tritan Shehu dhe Edi Paloka.
