Federata Botërore e Futbollit ka nisur veprimet ligjore për të detyruar ish-presidentit, Joseph Blatter dhe ish-zëvendëspresidentit Michel Platini që të kthejnë rreth dy milionë dollarë. Fifa pretendon se këto para janë dhënë në padrejtësisht në vitin 2011 Platinisë.
“FIFA sot ka paraqitur pretendime në gjykatën zvicerane përkatëse kundër ish-presidentit të FIFA-s, Joseph Blatter dhe ish-zëvendëspresidentit të FIFA-s, Michel Platini, duke kërkuar kthimin e 2 milionë frangave zvicerane (2 04 milionë dollarë), të paguara padrejtësisht Platinisë në vitin 2011”, theksoi FIFA.
Nga ana tjetër, për këtë çështje në mbështetje të FIFA-s ka dalë dhe Gjykata e Larta Zvicerane.
“Po ashtu edhe Gjykata e Lartë e Zvicrës ka konfirmuar se kjo dhuratë prej dy milionë franga zvicerane duhet të shihet si një pagesë e padrejtë”, theksoi FIFA.
Procedimet ndaj dy ish-zyrtarëve kanë të bëjnë kryesisht me një pagesë prej dy milionë dollarësh të transferuara në shkurt të vitit 2011 nga FIFA te Platini.
Që prej vitit 2015, kur ndaj Blatterit dhe Platinisë filloi hetimi për korrupsion, FIFA ka hyrë në një krizë të thellë, që ndikoi jo vetëm në imazhin por edhe në financat e saj.
