Kanë ardhur gjobat e para në Botëror dhe “viktimat” janë Serbia dhe Meksika. Serbët do të përballen të premten në mbrëmje me Zvicrën dhe kjo gjobë për shkak të sjelljeve të gabuar të tifozëve mund të sjellë presion për ngjarjet që mund të rrjedhin aty, pasi në përbërje helvetët kanë katër futbollistë kosovarë.
Federata Botërore e Futbollit – FIFA ndëshkoi ekipin serb me 10,400 dollarë pasi tifozët e tij, në ndeshjen me Kosta Rikën, mbajtën një pankartë “fyese dhe politike”, të kohës së Luftës së Dytë Botërore.
Ekipi i Meksikës u ndëshkua me gjobë të ngjashme për shkak të “brohoritjeve diskriminuese dhe fyese” të tifozëve kundër portierit gjerman, Manuel Neuer. Kampionati Botëror i Futbollit po zhvillohet në Rusi. Në këtë ngjarje përballen 32 ekipe në 64 ndeshje.
