Policia ka vënë në pranga një 31-vjeccar ndërsa ka shpallur në kërkim të atin e tij për posedimin e 14 kilogramëve Cannabis Sativa. Përmes një operacioni antidrogë, Sektori për Hetimin e Narkotikëve ka sekuestruar rreth 14 kg Cannabis Sativa, duke arrestuar Ergest Prençen, 31 vjeç, banues në fshatin Pirrë, Lushnje dhe ka shpallur në kërkim e babait të tij, shtetasit L.P, 58 vjeç.
Nga kontrolli i ushtruar në banesat e tyre në fshatin Pirrë, policia ka gjetur dhe ka sekuestruar në cilësinë e provës materiale lëndën narkotike e ndarë në tre thasë plasmasi në formë rrjete me ngjyrë të bardhë.
Njoftimi i policisë:
Finalizohet me sukses një tjetër operacion antidrogë. Sektori për Hetimin e Narkotikëve sekuestron rreth 14 Kg Cannabis Sativa. Arrestohet në flagrancë një shtetas, shpallet në kërkim babai i tij.
Në bazë të informacioneve të mara në rrugë operative dhe punës së mirëorganizuar nga Specialistët e Sektorit për Hetimin e Narkotikëve në Drejtorinë Vendore të Policisë Fier, u bë i mundur arrestimi në flagrancë i shtetasit:
-Ergest Prençe, 31 vjeç, banues në fshatin Pirrë, Lushnje.
Gjithashtu u bë shpallja në kërkim e babait të tij, shtetasit L.P, 58 vjeç.
Nga kontrolli i ushtruar në banesat e tyre në fshatin Pirrë, iu gjet e sekuestrua në cilësinë e provës materiale rreth 14 Kg lëndë narkotike e dyshuar Cannabis Sativa e ndarë në tre thasë plasmasi në formë rrjete me ngjyrë të bardhë.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Prodhimi dhe shitja e narkotikëve” parashikuar nga Neni 283/2 i Kodit Penal.
https://www.facebook.com/tiranatodaycom/videos/352039598574117/
