Prindërit e një 15-vjeçare kanë denoncuar në Policinë e Fierit rrëmbimin e vajzës së tyre.
Mësohet se Jurgena Xhelili, nga fshati Mbroastar, e cila i përket komunitetit rom ndodhet në komisariatin e Beratit, ndërsa ka treguar se nuk është rrëmbyer nga askush, por u largua nga shtëpia me dëshirën e saj me një djalë.
15-vjeçarja, e cila u largua nga banesa që mëngjesin e ditës së djeshme, ka deklaruar në polici se nuk dëshiron që të kthehet sërish në shtëpi, por te qëndrojë me të dashurin në Berat.
Njoftimi i policisë:
Sot në datën 22.05.2019, në Komisariatin e Policisë Fier është paraqitur dhe ka bërë kallzim shtetasi Sh.Xh, 50 vjeç, për largim nga banesa të vajzës së tij 15 vjeçare.
Pas marrjes së kallzimit, policia ka nisur kërkimet ku në bashkëpunim me Policinë e Beratit vajza është gjetur dhe shoqëruar në Komisariatin e Policisë Berat.
Nga deklarimet e para, 15 vjeçarja deklaron se ka ikur me dëshirën e saj për tu martuar në Berat
