Tre persona kanë rënë në pranga, pasi akuzohen për prodhim dhe shitje të lëndëve narkotike.
Operacioni antidrogë është zhvilluar në Fier, ku policia ka sekuestruar në total 67.7 kg lëndë narkotike kanabis.
Pas informacioneve të marra më parë në rrugë operative, policia ka kontrolluar një banesë në fshatin Ngjeqar, Roskovec.
Nga kontrolli i ushtruar në një serë perimesh e mbuluar me plasmas, pranë banesës së poseduesve, u gjendën të groposura 4 fuçi plastike të mëdha të mbushura me lëndë narkotike.
Policia ka arrestuar në flagrancë poseduesit e lëndës narkotike, babai dhe dy djemtë e tij, konkretisht shtetasit me iniciale:
M.S, 58 vjeç.
P.S, 30 vjeç.
A.S, 28 vjeç, banues në fshatin Ngjeqar, Roskovec.
Nga veprimet e para hetimore dyshohet se poseduesit e lëndës narkotike të dyshuar Cannabis Sattiva, po pregatiteshin që ta trafikonin jashtë vendit me destinacion Italinë.
Materialet proceduriale i kaluan Prokurorisë pranë Gjykatës së Shkallës së Parë Fier për veprën penale “Prodhimi dhe shitja e narkotikëve”, parashikuar nga Neni 283/2 i Kodit Penal.
[ngg_images source=”galleries” container_ids=”488″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
