Gjendet një predhë e Luftës së Dytë Botërore në Frakull të Fierit. Mësohet se predha peshon rreth 300 kilogramë. Ajo është gjetur nga banorë në zonën e liqenit të Frakullës dhe më pas është njoftuar edhe Ministria e Mbrojtjes.
Mendohet se predha është hedhur gjatë pushtimit të Italisë në 1939 nga aviacioni italian.
Forcat e Armatosura të ushtrisë shqiptare dhe ato xheniere, kanë mbërritur në vendngjarje dhe po bëjnë ekspertizën e predhës që peshon rreth 300 kg.
Ushtria ka krijuar një perimetër sigurie për të mos lejuar kalimin e banorëve apo kalimtarëve të rastësishëm, raporton BalkanWeb. Ende nuk ka një urdhër për evakuimin e banorëve të zonës.
