Një situatë e rëndë është paraqitur në qytetin e Fierit, ku një zjarr i madh ka përfshirë një pyll në fshatin Vreshtas.
Flakët të cilat janë përhapur me shpejtësi kanë djegur me dhjetëra rrënjë ullinj si edhe 2 banesa të cilat fatmirësisht kanë qenë të pabanuara.
Mësohet se nga zjarri i cili ka filluar para disa orësh, rrezikohen edhe disa banesa të tjera të cilat ndodhen shumë afër zonës së flakëve.
Era e fortë ka bërë që flakët të përhapen me shpejtësi, teksa zjarrfikëset dhe efektivët e Fierit e Patosit po punojnë për neutralizimin e tyre.
Nuk dihet shkaku i zjarrit, por bëhet me dije se në të njëjtën zonë katër ditë më parë është regjistruar një tjetër vatër, por që është fikur në kohë nga zjarrfikësit.
