Ish-kryeministri Sali Berisha, i është përgjigjur një pyetësori duke treguar gjithçka rreth situatës aktuale politike por jo vetëm.
I ftuar në emisionin “Zonë e Lirë”, Berisha tregon se cili është sekreti i tij që edhe pse në moshën 75-vjeçare, ai vazhdon të jetë mjaft aktiv në jetën e politikës.
“Unë mund të ndihem në këtë përvjetor të paktën në të njëjtën parametra fizikë dhe psikologjikë të 20 viteve më parë. Unë kam një sekret dhe do ia them gjithë botës”, u shpreh ai.
Sipas Berishës, sekreti i tij është stërvitja e vazhdueshme dhe jeta e shëndoshë pa vese.
Pjesë nga intervista:
Sali Berisha: Në rast se do kisha probleme do e shihja, por problemi im është ky: Unë mund të ndihem në këtë përvjetor të paktën në të njëjtën parametra fizikë dhe psikologjikë të 20 viteve më parë. Unë kam një sekret dhe do ia them gjithë botës.
Gazetari: Ma thuaj!
Sali Berisha: Sekreti im është kalitja. Unë gjithë jetës i kam besuar kalitjes.
Gazetari: Kalitja domethënë.. stërvitjes?
Sali Berisha: Domethënë… Po, stërvitja.
Gazetari: A dakord. Jetës së shëndoshë, domethënë ecjes, jetës pa vese.
Sali Berisha: Në tërësi, sigurisht unë nuk jam njeriu abuziv në gjëra, por kalitja është sekreti. Unë sot të garantoj ngjit katin e katërt, jo me më shumë lodhje seç ngjisja katin e dytë në kryeministri. Kështu unë kam shumë arsye të falenderoj zotin në këtë 75-vjetor.
