Fernando Alonso, i shpallur dy herë kampion bote ka vendosur që të rikthehet në Formula 1 me Renault sezonin e ardhshëm.
“BBC” raporton se spanjolli, i cili mbush 39 vjeç këtë muaj, ka nënshkruar rikthimin dhe pritet së shpejti të konfirmohet.
Rikujtojmë se ai u largua nga Formula 1 në vitin 2018-të dhe aktualisht është duke garuar në Indianapolis 500 me McLaren.
Nga sezoni i ardhshëm, Alonso pritet të jetë shok skuadre me Esteban Ocon, duke zëvendësuar australianin Daniel Ricciardo, i cili do të kalojë tek McLaren në fund të këtij sezoni.
