Bordi i prindërve të shkollës ‘Sami Frashëri’ në Tiranë, i kanë dërguar një letër ankese Ministres së Arsimit, Besa Shahini, pas provimit të letërsisë, zhvilluar sot nga maturantët. Prindërit tejet të shqetësuar, thonë se fëmijët e tyre kanë dalë të traumatizuar dhe të zhgënyer nga provimi. Sipas tyre, pyetjet në provim nuk ishin sipas udhëzimeve dhe për këtë fëmijët kanë dalë keq.
“Provimi nuk ka qenë sipas udhëzimeve nga ana e MASR. Fëmijët dolën të traumatizuar dhe të zhgënjyer. Fëmijët në provim kanë dalë shumë keq. U hodhën poshtë 3 vite sakrificë të shkollës”, shprehen ndër të tjera prindërit.
