E diel, 17 Tetor, 2021
17.5 C
Tirana

Fëmijët kureshtarë në vegjëli, mund të jenë më inteligjentë kur të rriten

Foshnjat më kurioze bëhen vogëlushët më kuriozë, dhe mund të jenë më inteligjentë kur të rriten. Në këtë përfundim ka arritur një studimi i ri, i pari i këtij lloji. Ai zbuloi se foshnjat disamuajshe që magjepsen pas trukeve magjike, bëhen vogëlushë më kuriozë disa kohë më vonë.

Kjo sugjeron se niveli i interesit të një foshnje, mbetet konstant me kalimin e kohës. Për më tepër, shkencëtarët nga Universiteti Xhon Hopkins, thonë se kjo prirje madje mund të parashikojë edhe inteligjencën e tyre të ardhshme.

“Niveli i kuriozitetit të një foshnje në lidhje me truket magjike, është një lloj parashikuesi se sa kuriozë do të bëhen ata si fëmijë parashkollorë”- thotë profesoresha Liza Feigenson, bashkë-drejtoreshë në Laboratorin për Zhvillimin e Fëmijëve.

“Të dhënat sugjerojnë se disa fëmijë 3-vjeçarë duken veçanërisht më të predispozuar për të mësuar shumë mbi botën”- shton ajo. Feigenson thotë se para studimit dihej shumë pak për kuriozitetin tek fëmijët që nuk flasin shumë fjalë.

Kjo pasi kurioziteti është studiuar kryesisht tek fëmijët më të mëdhenj dhe të rriturit. Feigenson dhe autorja kryesore e studimit Xhazmin Perez, e diplomuar në Universitetin Xhon Hopkins, shtojnë se ata vendosën të adresojnë një zhgënjim të vazhdueshëm me metodën klasike eksperimentale mbi studimin e proceseve mendore të foshnjave .

Në ato eksperimente, foshnjave u tregoheshin objekte të rregullta dhe objekte që sillen në mënyra të habitshme dhe të papritura. Jo të gjitha foshnjat kanë tendencën që të shohin më gjatë tek ngjarjet e papritura. Disa do të ngulin sytë dhe shohin një makinë që duket se rri pezull në ajër, apo një top që duket sikur kalon përmes një muri të fortë.

Foshnjat e tjera thjesht do t’i hedhin një vështrim dhe do të mërziten. Studiuesit supozuan se ky dallim ndodh për shkak të foshnjave. Ndoshta ata ishin të uritur ose të shpërqendruar. Por Feigenson dhe Perez dyshuan se ndodhte diçka e rëndësishme.

“Ne filluam të pyesnim nëse ndoshta gjithë ky ndryshim do të thotë vërtet diçka,dhe na tregon se foshnjat reagojnë ndryshe ndaj botës, nga foshnja në foshnjë”- thotë Perez. Për ta zbuluar, ata kryen një eksperiment ku studiuan 65 foshnje me kalimin e kohës.

Në moshën 11-muajshe, disa foshnjave iu tregua një lodër që sillej normalisht, ndërsa të tjerët panë që lodra dukej sikur kalonte drejtpërdrejt në një mur. Gjashtë muaj më vonë, foshnjave iu tregua një lodër të re që sillej normalisht, dhe një tjetër që dukej sikur rrinte pezull në ajër.

“Ne pamë se foshnjat 11-muajshe që vëzhgonin më gjatë objektet që dukej sikur rrinin pezull në ajër,ishin të njëjtët që shihnin më gjatë objekte që silleshin në formë të ngjashme kur ato ishin 17-muajsh. Pra duket sikur këto foshnje ndikoheshin ndryshe nga ato imazhe dhe ky ndikim ishte i qëndrueshëm gjatë një periudhe 6-mujore”-shprehet Perez.

Për të përcaktuar nëse ndryshimi midis foshnjave ishte parashikues i të menduarit në të ardhmen, studiuesit donin që t’i rikthenin pjesëmarrësit në laborator kur të mbushnin 3 vjeç. Por për shkak të pandemisë, u dërguan prindërve të tyre pyetësorë të standardizuar që testojnë nivelin e kuriozitetit.

Rezultatet treguan foshnjat që kundronin më gjatë në ngjarjet që sfidonin pritshmëritë e tyre, ishin ata prindërit të cilëve i vlerësuan si më kuriozët. Ky lloj kurioziteti ka shumë të ngjarë që t’i ndihmojë fëmijët të mësojnë për botën.

Gjetjet e këtij studimi, të cilat tregojnë se disa të rinj janë më të aftë për të vërejtur ngjarje të habitshme, krijojnë mundësinë që disa të jenë më të predispozuar për të mësuar se të tjerët. Ekipi planifikon të zhvillojë studime të mëtejshme me të njëjtin grup fëmijësh, për të parë se sa zgjasin apo zgjerohen diferencat individuale midis fëmijëve.

Burimi i lajmit: https://www.studyfinds.org/curious-babies-intelligent-adults/

Përshtatur nga TIRANA TODAY

- Reklama -

Më shumë nga kategoria




Të fundit

Mbështetësve të Lulzim Bashës tani po u del “droga”

Nga: Alfred Peza Lehtësia e papërballueshme me të cilën Lulzim Basha u artikuloi vendimin për largimin e Sali Berishës nga Grupi Parlamentar i PD, pas...

Itali/Vodhi brioshët, të nesërmen i paguan. Pronari i lokalit i ofron një punë

Ai vjedh brioshët në lokal, pastaj të nesërmen kërkon falje dhe paguan. Një histori dëshpërimi, por edhe mbi të gjitha dinjiteti dhe solidariteti që...

Kolumbia sterilizon hipopotamët e “Mbretit të kokainës”

Një grup hipopotamësh - një trashëgimi e padëshiruar pas vdekjes së mbretit famëkeq të drogës kolumbiane Pablo Escobar - po sterilizohen. Escobar, i cili u...

Rusia në gjendje emergjence nga infektimet, një mijë të vdekur në një ditë

Rusia të shtunën regjistroi 1.000 vdekje në një ditë të vetme për herë të parë, që kur filloi pandemia. 222.000 vdekjeve nga Covid është...

Misioni Lucy i NASA-s do të kërkojë ‘fosilet’ e Sistemit Diellor

Një anije kozmike është nisur nga Kepi Canaveral me një mision për të zbuluar "fosilet" e Sistemit Diellor. Sonda Lucy do të shkojë në...