Pas shkarkimit nga detyra si Komandanti i Forcës Detare, Artur Meçollari ka paditur Shtabin e Përgjithshëm dhe Ministrinë e Mbrojtjes. Nëpërmjet padisë, Meçollari i kërkon gjykatës që t’i japë komandën e kapitenit të marinës shqiptare.
Më 26 gusht 2020, Meçollari u largua nga posti, pasi media publikoi pamjet se si anija e flotës ushtarake ishte dekoruar për një ceremoni private martesore.
Meçollari e mohoi që anija të ish-dekoruar me urdhrin e tij, dhe tha se gjithçka kishte ndodhur pas një telefonate nga eprorët e tij në Ministrinë e Mbrojtjes.
Dhëndri nuk ishte vetë ushtarak, por dëshironte të organizonte ceremoninë e dasmës në anijen ushtarake, pasi ishte djali i një ish-ushtaraku.
“Shkarkimi nga detyra ka ardhur pasi nuk ka respektuar rregullat e sigurisë, dhe ka shkelur statusin e ushtarakut duke organizuar një event pa dijeninë e strukturave përkatëse”, bënte me dije në atë kohë ministria.
