Analisti Fatos Lubonja u shpreh se me kryeministrin Rama në këto kushte, nuk mund të zhvillohen zgjedhje normale.
Në një lidhje telefonike në emisionin “Të Paekspozuarit”, analisti tha se protestat e vazhdueshme mundësojnë largimin e Ramës nga pushteti.
“Problemi është që a jemi në krizë apo jo. Kemi opozitën që thotë se jemi në krizë, ndërsa maxhoranca thotë se nuk ka krizë. E vërteta është se ka krizë. Me Ramën në këto kushte, nuk ka zgjedhje të lira. Ajo që po bën opozita dhe të gjithë ne këtu është largimi i Ramës. Por si largohet Rama?
Mendoj se Rama largohet me protesta, patjetër. Mirëpo, ndryshe nga se thonë ata në Milot apo vend tjetër ‘Rama ik’, mendoj se Rama sigurisht duhet larguar, është e rëndësishme të ikë Rama. Por nuk duhet vetëm të ikë Rama dhe me kaq shpëtuam. Duhet larguar Rama dhe të ndryshojë njëherë e mirë ky sistem politik”, tha Lubonja.
Po ashtu, Lubonja deklaroi se sistemi duhet ndryshuar dhe klasat politike që vetëm vjedhin duhen zhdukur, në mënyrë që të ndërtojmë shpresën tek njerëzit.
