Zlatan Ibrahimovic ka zhvilluar një ndeshje fantastike në MLS me Los Angeles Galaxy, ku ka shënuar tregolëshin e parë dhe ka përmbysur rezultatin përballë Orlando City-t. Ndeshja ka përfunduar 4-3 dhe Zlatan ishte heroi i takimit. Gjithçka ndodhi në pjesën e dytë, ku rezultati ishte 1-2 dhe Ibra barazon përkohësisht, më pas është sërish Orlando që gjen golin e avantazhit. Asgjë nuk kishte mbaruar, pasi Ibrahimovic shënon dhe dy gola të tjerë dhe përmbys gjithçka.
Në MLS Ibrahimovic në 17 ndeshje ka shënuar 15 gola, ai vinte nga një periudhë e vështirë tek Manchester United, ndërsa tani duket se ka gjetur sërish formën e tij më të mirë edhe pse në një moshë të madhe.
