Familja Sorra në njësinë administrative në Kashar, jeton në kushte shumë të vështira. Fundjava Ndryshe dhe emisioni Stop kanë evidentuar rastin e kësaj familje, ndërsa kanë shprehur gatishmëri të plotë për ti ardhur në ndihmë kësaj familje, e cila jeton në kushte shumë të vështira. Familja Sorra merr 60 mijë lekë në muaj, ndërsa 37 mijë lekë paguan vetëm faturat e energjisë elektrike.
Kryefamiljari, Ferit Sorra vuan nga kanceri në mushkëri, ndërkohë ai nuk përfiton as KEMP. Kjo familja shumë pranë kryeqytetit jeton në kushte të vështira, ndërsa pjesëtarët e familjes apelojnë për ndihmë.
Familja 5 anëtarëshe, ka apeluar për ndihmë pasi për post mungesës së ushqimit, familja Sorra jeton në një banesë, e cila rrezikon të shembet dita ditës. Ndërkohë me publikimin e rastit të kësaj familje, Balfin Group me drejtues Samir Mane, pasi ka parë rastin e familjes Sorra, ka shprehur gatishmërinë për t’i ndërtuar shtëpinë familjes së Ferit Sorra.
“Për dy vjet kemi ndërtuar 54 shtëpi . Ne kemi 14 112 familje që kemi ndihmuar. Kemi ndihmuar në operacione dhe kemi shpëtuar jetët. Kemi dërguar për fëmijët libra, të cilët nuk kanë mundësi ekonomike”-shprehet drejtuesi i “Fundjava Ndryshe”-Arbër Hajdari.
Mesazhi i Samir Mane
“Mirëmbrëma Arbër, sapo pash rastin e familjes Sorra. Balfin group, nëpërmjet rrjetit te supermaketeve SPAR Albania, do te marre përsipër për ti ndërtuar një banese te re familjes”
Intervista me familjen
Quhem Flora Sorra , jam shume varfër. Marrë vetëm 60 mijë lekë në muaj, me ato të paguaj dritat, paguaj 37 mije leke ne muaj.
Pjesa tjetër i bie për ushqim?
-Vetëm për ushqimi
Si ushqeheni ju?
“Ja kështu me Fundjavën ndryshe na kanë ndihmu. Mëngjesi hanë Valë, në drekë u jap ndonjë kos ndonjë qumësht, në darke ndonjë gjellë me pras, kur më bien komshinjtë. Përveç kësaj kam edhe bashkë shortin shumë shumë të sëmurë, e kam me kancer në mushkri. Vendosni dorën në zemër për mu edhe për tre fëmijët e mi”-shprehet Flora.
“Vuaj nga një sëmundje shumë e rëndë nga për sëmundjen teme. mushkëritë, me tumor në mushkri. Ku kërkoj ndihmë të gjithë atyre që munden me më dhënë ndihmë”-shprehet Ferit Sorra.
Trajtohesh me Kemp?
“Po spate një vit punë në 2016, nuk të takon, por për sëmundjen që ke të takon, por që nuk ke punuar një vit nuk të takon Kempi. Kam dhe hallin për një shtëpi, e cila po më zë brenda me 3 fëmijët”-vijon ai.
Unë jam Florita Sorra 8-vjeçe
Unë jam Ornela Sorra 10-vjeçe.
Çfarë klase je?
–Unë jam në klasën e dytë.
–Unë jam në klasën e katërt
Çfarë ëndërron të bëshesh kur të rritesh?
-Dokroreshë
Po pse doktoreshë?
-Të shëroj babin dhe të shëroj njerëzit.
-Unë kërkoj të kem ushqim.
Vjersha
Ngjyrë të kuqe ka flamuri, me shqiponjën me dy krerë na jep emrin më të bukur, jam shqiptare me besë e nderë. Ndaj përherë dhe për çdo festë, të vesh për festë një bluzë të kuqe më thotë mami fytyrëqeshur, ti më je si lulëkuqe.
