Policia e Vlorës ka arrestuar një biznesmen, i cili dyshohet se ka falsifikuar dokumentacionin e origjinës në lidhje me një sipërfaqe toke prej 100 hektarësh në zonën e Zvërnecit.
Sipas policisë në pranga ka rënë shtetasi Pëllumb Petritaj. Ai akuzohet për dy vepra penale: “Falsifikimi i dokumenteve” dhe “Pastrimi i produkteve të veprës penale”.
Mësohet se biznesmeni është arrestuar edhe një herë më parë për të njëjtat vepra penale. Biznesmeni u arrestua më 10 tetor të vitit 2018, por u la i lirë. Pavarësisht kësaj, seancat ndaj tij kanë vijuar.
