Lëkundjet e tërmetit në Shqipëri tërhoqën gjithashtu vëmendjen e mediave ndërkombëtare. Këta të fundit raportojnë se qytetarët janë tmerruar dhe frikësuar për shkak të lëkundjeve të fuqishme që u shënuan.
Një qytetar tha për “Reuters”: “Të gjithë fqinjët tanë dolën duke bërtitur. Faleminderit Zotit që nuk zgjati shumë, ishte rreth 20 sekonda. Ishte një makth në katin e 10-të. Nuk më kujtohet një më i fuqishme se ky.”
Po ashtu, agjencia e lajmeve në fjalë bën me dije se nga tërmeti kanë mbetur të plagosur disa persona në Tiranë dhe Durrës, të cilët po marrin shërbim mjekësor.
