Këngëtarja e njohur Fjolla Morina, në datën 15 shtator është liruar nga paraburgimi, pasi gjykata ka refuzuar kërkesën e Prokurorisë për ekstradimin e saj në Shqipëri. Ajo ka reaguar së fundmi në rrjetet e saj sociale, ku ka publikuar një foto me avokatin e saj. Bashkëngjitur fotos në fjalë, ajo shkruan: Faleminderit shteti im! Faleminderit avokat: Fanol Krasniqi.
Sipas avokatit Krasniqi, gjykata ka refuzuar kërkesën e Prokurorisë për ekstradimin e saj dhe të njëjtës i është ndërprerë masa e paraburgimit.
Më 21 korrik, Gjykata Themelore e Prishtinës vendosi që Fjolla Morina të qëndrojë në paraburgim 40 ditë, me dyshimin për trafikim me armë dhe arratisje nga vendi i paraburgimit.
Fjolla Morina u arrestua në 19 korrik në dyqanin e saj në Prishtinë, pasi ishte shpallur në kërkim ndërkombëtar nga Interpol më 21 prill 2021, një muaj pasi gjykata e Kukësit e dënoi me 6 vite burg për “trafik të armëve dhe municionit”.
