Dërgimi i bluzave të bardha në Itali, për të dhënë ndihmën në këto ditë të vështira, është përgëzuar jo vetëm nga italianët. Gjesti ka prekur mjaft personazhe të famshëm shqiptarë dhe jo vetëm. Në mesin e tyre është edhe aktorja e njohur e Hollivudit, Sharon Stone, e cila njihet për filmin e bujshëm të vitit 1992, “Basic Instinct”.
Ajo përmend edhe faktin që italianët i ndihmuan shqiptarët 30 vjet më parë, ndërsa ka vendosur një foto të anijes Vlora, e cila u nis drejt Italisë me mbi 20 mijë shqiptarë në bord në vitin 1991.
Ajo shkruan:
“30 vjet më parë Italia vendosi t’i ndihmonte ata. Sot Shqipëria po dërgon mjekë dhe infermierë për të ndihmuar Italinë. Faleminderit nga zemra Shqipëria”, ka shkruar ylli hollivudian.
