Kryetari i Partisë Demokratike, Lulzim Basha ka shprehur solidaritet me qytetarët e lënduar si pasojë e lëkundjeve të tërmetit.
Përmes një postimi në “Facebook”, kryedemokrati thekson se me ndihmën e njeri-tjetrit do të kalojë edhe kjo situatë tronditëse, e cila shkaktoi frikë dhe panik tek qytetarët.
“Falë Zotit deri tani nuk ka raportime për jetë të humbura apo në rrezik nga tërmeti që goditi sot vendin. Ju uroj të lënduarve shërim të shpejtë dhe çdo familje një natë të qetë. Në solidaritet me njëri-tjetrin dhe me ndihmën e Zotit do ta kalojmë këtë situatë tronditëse”, thuhet në mesazhin e Bashës.
