Kreu i Kadastrës, Artan Lame, prezantoi sot raportin me regjistrat pronësorë në Tiranë, duke evidentuar problematikat e rënda që ka pasur ndër vite. Ai bëri të ditur gjetjet gjatë kontrollit në qarkun e Tiranës, që u krye njësoj si edhe në Durrës ku janë gjetur një sërë shkeljesh. I njëjti skandal si me Kadastrën e Durrësit ka ndodhur edhe me Kadastrën e Tiranës. Në një dalje për mediat, Lame dha rezultatin e kontrollit për Kadastrën e Tiranës, ku nga 2342 regjistra, vetëm 250 janë pa probleme. Ai tha se zgjidhja do vijë me digjitalizimin e gjithë regjistrave pronësorë, proces që tashmë ka filluar.
“Në Tiranë nuk është në situatë katastrofike. 515 faqe mungojnë tërësisht, i mbetet historisë dhe hetimeve për të zbuluar se çfarë ka luajtur në këto qindra faqe që nuk ekzistojnë më. Janë me qindra faqe të dyshuara si të zëvendësuara. Është dukshëm që faqja ndryshon, ngjyra formati, por edhe kjo kërkon hetim të mëtejshëm.
114 faqe të dubluara, e njëjta pronë ekzistonte në dy faqe. Bëhej që njëjta pasuri i trajtohej edhe një qytetari edhe një tjetri dhe pastaj duhej të përfundonin në dyer të gjykatave. 180 faqe të grisura, por në themelin e regjistrit duket copa e faqes së grisur.
Fenomen në Tiranë që ishte shumë më i madh se në Durrës ekzistojnë 13 mijë faqe bosh. Qëllimet kanë qenë një, për ti plotësuar më pas me ato AMPT e Rrugës së Kavajës, janë mijëra faqe pronash shtetërore që kanë përtuar t’i plotësojnë. Është punë e bërë e paguar njëherë që duhet ribërë nga Kadastra.
Kjo e bëra me art, është bërë e mundur se shumica e regjistrave janë të palidhur dhe janë shqepur më pas dhe kushdo mund të hiqte e të shtonte. Në rastin e Tiranës, pesha është katër herë më e vogël në shifra se Durrësi. Pasuritë me zonat në zhvillim, Farka, Kashari, Yzberishti, Sharra, Ndroqi, Peza. Me zonat e Shëngjergjit nuk dilte gjë. Kamëz, Vorë, do veçoja vetë qytetin Kamëz, Vorë, Valias, Babrru, Domje. Përgjegjësia? Ndihem i lodhur sepse është shumë e thjeshtë të gjejmë përgjegjësinë te një punonjës arkivi para 20 vitesh dhe ti lëshohemi atij.
Në themel kur shikojmë nën juridike mjafton të them se nuk ka pas rregullore se kush i administronte regjistrat, kushdo që e merrte detyrën nuk bënte inventar çfarë merrte e linte, nuk gjehet dot. Edhe sikur të merremi me përgjegjësinë në gjithë këtë histori e ka çdo Ministër i Bujqësisë, Drejtësie, Kryeministër, çdo gjykatës e noter që ka bërë mish-mash në këto vite, për të shkuar më pas te ai punonjës i arkivës.
Vlera e parë e këtij inventari vendos një sitë zero, pas kësaj dite s’ka më rrëmujë dhe ndryshime. Arkivi është me sistem kamerash, alarmi dhe me punonjës që kanë përgjegjësi me firmë e vulë. Raporti i Tiranës do i përcillet Kryeministrisë dhe Ministrisë së Drejtësisë, për ti lënë mundësinë çdo strukture që të bëjnë hetime. Arsyeja e dytë është për të shmangur presionet, në momentin që ky raport është i depozituar në institucione të tjera që ti prekësh, regjistruar, duhet të merresh me Kryeministrinë e Prokurorinë. Zgjidhja do vijë me digjitalizimin e gjithë regjistrave pronësorë, proces që ka filluar. Do vijimë me këtë rrugë edhe përmes qyteteve të tjera, se përmes këtij procesi është rritur siguria e pronës së qytetarëve”.
