Një aksident rrugor ka ndodhur gjatë ditës së sotme në Moglicë të Korçës, ku një fadromë ka dalë nga rruga duke lënë të plagosur drejtuesin e saj.
Sipas policisë, shtetasi me iniciale U.M, drejtuesi i fadromës ka marrë plagë të rënda si pasojë e këtij aksidenti.
51-vjeçari është transportuar drejt Tiranës për një mjekim më të specializuar, pas ndihmës së parë që mori në spitalin e Korçës.
Njoftimi i policisë:
Më datë 06.08.2019, në fshatin Nikollarë, Moglicë, shtetasi U.M, rreth 51 vjeç, banues në Sovjan, duke drejtuar një mjet tip fadromë, dyshohet se ka dalë nga rruga dhe për pasojë ka marrë dëmtime vetë drejtuesi i mjetit, i cili pas ndihmës mjekësore në Spitalin e Korçës u dërgua në Tiranë, për mjekim më të specializuar.
Grupi hetimor po punon për zbardhjen e rrethanave të ngjarjes.
