E shtunë, 12 Qershor, 2021
27.5 C
Tirana

Facebook nuk do të heqë postimet ku pretendohet se Covid-i u krijua nga njeriu

Kompania Facebook njoftoi se më nuk do të heqë postimet ku pretendohet se koronavirusi është krijuar nga njeriu.

Ky njoftim vjen në kohën kur po zhvillohet një debat lidhur me origjinën e këtij virusi.

“Teksa po bëhen hetime për origjinën e COVID-19 dhe në konsultim me ekspertët e shëndetit publik, ne nuk do të heqim nga aplikacionet tona pretendimet se COVID-19 është krijuar nga njeriu”, tha një zëdhënëse e Facebook-ut.

“Ne do të vazhdojmë të punojmë me ekspertët e shëndetit për të ecur në hap me natyrën e zhvillimit të pandemisë dhe vazhdimisht do të përditësojmë politikat tona, teksa dalin faktet e reja”, tha kjo zëdhënëse përmes një deklarate me shkrim.

Ky ndryshim i politikës së Facebook-ut, vjen në kohën kur presidenti amerikan, Joe Biden njoftoi se ka urdhëruar ndihmësit e tij që të gjejnë përgjigje lidhur me origjinën e virusit. Biden ka thënë më 26 maj se agjencitë e inteligjencës amerikane janë duke hetuar një sërë teorish, ku përfshihet edhe ndonjë aksident laboratorik në Kinë.

Kompanitë e mediave sociale janë përballur me presion për të ndihmuar në luftën kundër keqinformimit sa i përket pandemisë. Facebook-u ka thënë se ka hequr mbi 16 milionë artikuj, pasi kishte gjetur shkelje sa i përket informimit për COVID-19 si dhe për vaksinat.

Në muajin shkurt, kjo kompani kishte ndryshuar politikat e saj, duke hequr edhe postimet ku pretendohej se koronavirusi ishte krijuar nga njeriu.

COVID-19 ka vrarë mbi 3.6 milionë persona në mbarë botën. Rastet e para me këtë sëmundje janë raportuar në Vuhan të Kinës në fundin e vitit 2019. Megjithatë, origjina e virusit është një çështje kontestuese në mesin e ekspertëve./REL/

Lexo edhe :   Koronavirusi, mbi 6 mijë të vaksinuar në 24 orët e fundit
- Reklama -

Më shumë nga kategoria




Të fundit

Të shtëna me armë në SHBA, 13 të plagosur, autori ende i lirë

Një ngjarje e rëndë ka ndodhur të Teksas të Shteteve të Bashkuara të Amerikës, ku një person ka shtënë me armë duke lënë të...

Përmbyset autoboti me naftë në Elbasan, bllokohet shoferi

Një autobot me karburant është përmbysur mesditën e sotme në aksin rrugor Elbasan-Librazhd, pranë fshatit Xibrakë. Sipas informacioneve paraprake, mësohet se shoferin e ka zëne...

Shpërthimi i kontrolluar i ‘gjobës’ Becchetti

Nga: Agim Baçi Dikur qarkullonte në internet një letër që një vajzë i dërgonte së ëmës, e cila në thelbin e saj lidhej me gjetjen...

Uells-Zvicër/ Pjesa e parë pa gola, portierët vendimtarë me pritjet e tyre

Ka përfunduar me rrjeta të paprekura, pjesa e parë e ndjeshjes midis Zvicrës dhe Uellsit. Një 45 minutësh ku spektakël dhuruan portierët e skuadrave...

Vrasja e 20-vjeçares në Greqi, zbulohet makina me të cilën janë larguar autorët

Zbardhen detaje të reja në lidhje me vrasjen e 20-vjeçare britanike Caroline, e ndodhur pak javë më parë në Greqi. Në emisionin e gazetarit grek...