Një zjarr i madh përfshiu sot në mesditë një fabrikë riciklimi mbetjesh në Mëzes të Tiranës. Mësohet se kjo fabrikë është djegur edhe dy herë të tjera dhe zjarrfikëset i kanë vënë gjobë për shkak të mos marrjes së masave për parandalimin e zjarrit.
Në fakt bëhet fjalë për të njëjtën fabrikë që ka vizituar kryeministri Edi Rama në 2016-ën me të cilën është mburrur se do të pastronte Shqipërinë nga ndotja.
“Ligji i ri ju jep ju mundësi që duke rritur sasinë e lëndës së parë ju të prodhoni tuba për serrat e vendit. Dhe ta përmbushni plotësisht kërkesën e vendit me cilësi dhe sasi. Lijimi i këtyre mbetjeve nga importi që janë lëndë e parë do të fuqizojë industrinë pa e lënë që të falimentoi si ndodhi me dy fabrika deri tani. Dhe paralelisht me ngritjen e sistemit të diferencimit të mbetjeve do të sjellë që Shqipëria të jetë shumë më e pastër. Ligji i ri që nuk është ligji i vjetër por që është një qasje tjetër. Është për ta bërë Shqipërinë më të pastër,” deklaroi Rama në vizitën që bëri në fabrikën e riciklimit të mbetjeve në vitin 2016.
Me ndotjen alarmante që u përhap sot në atmosferë nga djegia e fabrikës, por dhe dy herët e tjera më parë, nuk ka se si Shqipëria të jetë më e pastër. Theksojmë që kjo fabrike kishte marrë dhe gjobe nga për shkak të mos marrjes së masave për parandalimin e zjarrit.
Por duke qene së këtë fabrikë e ka promovuar vetë kryeministri Edi Rama është vijuar puna normalisht deri sa mori sërish zjarr sot. TIRANA TODAY
