Një superaksion i ndërmarrë nga Spanja dhe Gjermani, por në bashkëpunim edhe me strukturat e “Europol” është bërë të mundur arrestimi i 18 personave, ndërsa 9 të tjerë janë shpallur në kërkim.
Sipas informacioneve të para, mësohet se në mesin e të arrestuarve janë edhe shtetas shqiptar, por edhe nga vendet e tjera të Ballkanit Perëndimor
Operacioni, i mbështetur nga Europol, shkatërroi një grup kriminal të organizuar të përfshirë në trafikun e drogës dhe aktivitete të tjera ilegale në të gjithë BE. Janë sekuestruar 1 ton marijuanë, 212 mijë euro në para cash, armë zjarri, municion dhe 8 automjete u konfiskuan. Grupi kriminal trafikoi marijuanën nga Spanja në vende të tjera të BE-së, veçanërisht në Gjermani, nëpërmjet një rrjeti qelizash të themeluar në Malaga dhe Granada, Spanjë, orkestruar nga Bremeni në Gjermani.
Hetimi filloi në qershor, pasi një qytetar gjerman, një anëtar i rrjetit kriminal, u dallua duke blerë një sasi të madhe të marijuanës në jug të Spanjës.
Faza e parë e operacionit është fokusuar në çmontimin edy fabrikave të marijuanës zbuluar në jug të vendit, ku janë konfiskuar rreth 100 kilogramë marijuanë dhe 172 000 euro në para të gatshme. Dy oficerë të Gardës Civile u plagosën rëndë kur arrestuan një nga anëtarët e bandës. Anëtarët e organizatës kriminale u arrestuan dhe u morën në pyetje nga policia dhe janë shtetas të tetë vendeve të ndryshme: Kroacia, Gjermania, Spanja, Shqipëria, Armenia, Serbia, Siria dhe Turqia. Gjatë gjithë operacionit, Europol siguroi mbështetjen e tij në shkëmbimin e informacionit dhe aktivitetet ndër-kontrolluese. TIRANA TODAY
