Nesër do të luhet ndeshja mes Milanit dhe Shkëndijës së Tetovës, e vlefshme për fazën “play-off” të Ligës së Europës, ndërkohë që trajneri i Milanit, Vinçenco Montela, ka dalë sot në një konferencë për shtyp. Ai ka folur me shumë respekt për skuadrën shqiptare, duke e cilësuar atë një ekip europian.
“Shkëndija është përpara nesh me përgatitjet dhe ka një ide të qartë loje. Në repartin e sulmit kanë lojtarë me cilësi, janë një skuadër e organizuar dhe shumë europiane. Çdo gjë varet nga ne. Por përballjet në kualifikuese nuk varen vetëm nga ndeshja e parë”, tha Montela.
