21:00 Belgjikë – Itali (Mynih)
Jo i gjithë konfigurimi i çerekfinaleve doli siç pritej, por shumë e kishin parashikuar këtë çift. Belgjikës iu desh të dëbojë kampionët në fuqi të Portugalisë për të arritur deri këtu, dhe Italisë nga ana tjetër iu dësh shtesa për të fituar vendin e tyre në kurriz të Austrisë. Të dy skuadrat kanë arritur në fazën e grupeve rekordin perfekt me nga 3 fitore secila.
Suksesi mbi Austrinë i siguroi Italisë një seri prej 31 ndeshjesh pa humbje, duke thyer një rekord të “axurrëve” që datonte që nga viti 1939. Megjithatë, dhe vetë Belgjika është 13 ndeshje e pamposhtur. Në kampin verdhekuq po përballen me një seri dëmtimesh, ku më kryesorët janë Kevin De Bruyne dhe Eden Hazard dhe sipas raportimeve gjërat nuk duken premtuese.
Të dyja kombëtaret, si Italia dhe Belgjika kanë fituar 14 ndeshjet e tyre të fundit në Kampionatet Evropiane, duke përfshirë kualifikueset, që do të thotë se ndajnë rekordin e të gjitha kohërave me me Gjermaninë.
Formacionet e mundshme:
Belgjika: Courtois; Alderëeireld, Vermaelen, Vertonghen; T. Hazard, Witsel, Tielemans, Meunier; E. Hazard/Mertens, Lukaku, Carrasco/De Bruyne
Nuk luan: Castagne
Në dyshim: E. Hazard, De Bruyne
Humb ndeshjen gjysmëfinale po u ndëshkua me të verdhë, në rast kualifikimi të Belgjikës: Alderëeireld, T. Hazard, Vermaelen
Italia: Donnarumma; Di Lorenzo, Bonucci, Chiellini, Spinazzola; Barella, Jorginho, Locatelli/Verratti; Chiesa, Immobile, Insigne
Në dyshim: Locatelli
Humb ndeshjen gjysmëfinale po u ndëshkua me të verdhë, në rast kualifikimi të Italisë: Barella, Di Lorenzo, Pessina
