Efektivët e EULEX-it kanë rrethuar shtëpinë e ish-kryeparlamentarit të Kosovës, Jakup Krasniqi. Sipas mediave të Kosovës, nuk dihen ende arsyet e zbarkimit të njësive policore të EULEX-it në shtëpinë e Krasniqit. Ndërkohë, ende nuk ka ndonjë reagim nga ish-kryeparlamentari.
“Zyra e Prokurorit të Specializuar (ZPS), aktualisht është duke kryer operacione në Prishtinë. Operacionet e ZPS-së po kryhen me mbështetjen e Policisë së Kosovës dhe Misionit të Bashkimit Evropian për Sundimin e Ligjit në Kosovë (EULEX). Më shumë informacion do të jepet më vonë”, thuhet në njoftim.
Jakup Kraniqi është një nga figurat kryesore të Ushtrisë Çlirimtare të Kosovës (UÇK).
Zyrtarë të Gjykatës Speciale, rreth orës 06:00, kanë shkuar në shtëpinë e Jakup Krasniqit në Prishtinë. Këto njësi, siç raportohet, kanë bllokuar edhe rrugën në të cilën gjendet shtëpia e Krasniqit.
Krasniqi, që tashmë mban postin e kryetarit të Këshillit Kombëtar të Nismës Socialdemokrate, ka shërbyer edhe si kryeparlamentar.
