Manchester City nuk di të ndalet, pas fitore në derbi ka arritur të mposhtë edhe Swansen në transfertë me rezultatin e thellë 0-4. Një ecuri fantastike e Guardiolas në këtë sezon ku ka arritur të arkëtojë edhe një rekord sa i përket fitoreve të marra rresht, duke kaluar Chelsean.
Pjesa e parë ishte e flaktë për mysafirët, pasi David Silva gjeti golin e tretë në tri ndeshje rresht për të shënuar për 1-0 (27’). Deri në fund të pjesës së parë ishte Kevin De Bruyne ai që shënoi për 2-0 (34’). Në pjesën e dytë City vazhdoi me dominimin dhe David Silva sërish gjeti golin duke shënuar për 3-0 (52’). Deri në fund vendasit nuk patën ndonjë mundësi për t’u rikthyer në këtë takim. City shtoi në fund edhe golin e katërt me Agueron. Citizens kanë 49 pikë në maje të tabelës me 11 pikë më shumë se Manchester United që është në vendin e dytë me 38 pikë.
Everton vazhdon të ketë një formë mjaft të mirë, pas barazimit me Liverpool ka arritur të marrë fitoren në transfertë me Newcatle. Edhe Leicester ka bërë një fitore të madhe sërish në transfertë me Southampton me rezultatin e thellë 1-4.
