Ish-ministri i Brendshëm, Saimir Tahiri ka reaguar pas vendimit të GJKKO e cila e dënoi me 3 vite dhe 4 muaj burgim. Tahiri ka shkruar në llogarinë e tij në Facebook se i vjen keq që situata shkoi në këtë mënyre dhe se moralisht është I qetë. Ish-ministri thekson se vendimi ndaj tij është thjeshtë padrejtësi.
Statusi
Ju dua shume te gjitheve! Me vjen keq qe shkoi keshtu. Jam moralisht i qete, nuk kam shkelur kurre ligjin, kam dashuruar cdo dite te punes sime, jam i lumtur qe kam bere detyren sic me mire munda.
Eshte thjeshte PADREJTESI!
Avokati Maks Haxhia, tha se vendimi për të dënuar Saimir Tahirin ishte skandaloz.
“Lidhur me këtë vendim, pavarësisht se jam avokat, ishte një vendim skandaloz. Dy gjëra dihet që janë të sigurta në këtë vend; lindja dhe vdekja. Nëse dënimi i Tahirit do të kënaqë opinionin shqiptar, le të quhet i përmbushur.
Kjo gjykatë bëri atë që nuk mund të bëhet nga pikëpamja juridike. Sa për sqarim, neni 59 nuk ka të bëjë me dënimin, por është një formë e vuajtjes së dënimit, aplikimi i një forme të tillë është një formë hakmarrje dhe kënaqje të drejtësisë.
Shpërdorimi i detyrës nuk është në kompetencë të kësaj gjykate. Dënimi me 3 vite e katër muaj, ishte e papritur dhe non sens juridik që të hiqej pezullimi. Ky vendim ishte për të kënaqur.
Ky vendim ka të bëjë me faktin, pavarësisht që na bën optimist i tremben pafajësisë në GJL. Nuk justifikohet vendimi. Sot Tahiri siç e patë i kishte mundësitë mos të vinte, kishte njerëz që i thanë ik, po ai tha se do të përballej më drejtësinë. Ky vendim ishte një vendim për të njollosur Tahirin.
I kishim diskutuar edhe më parë vendimet. Nëse kjo është reforma që të luftohet korrupsioni, duke futur në burg Tahirin, të gjithë politikanët të vishen trashë”, tha Haxhia.
