Është momenti i supermeçit Wilder-Ortiz, fituesi me sytë nga “diamanti” Joshua

Në orët e para të mëngjesit do të ndodhë edhe përballja e madhe në boks. Amerikani kampion i titullit WBC, Deontay Wilder është sfiduar nga kubanezi Luis Ortiz, i cili nuk heq dorë nga titulli. Dyshja kishin planifikuar një përballje me 4 nëntor 2017, por kubanezi kishte dal pozitiv në doping dhe meçi ishte anuluar.

Amerikani u përball me Bermane Stiverne dhe pas fitores atij iu hap rruga edhe një herë të ndeshjet me Ortiz. Wilder fitoji ndaj Stivernes me nokaut teknik në rundin e parë dhe nga ajo përballje Stiverne kishte fituar 412,057 euro. Ndërsa kampioni Wilder fitoi plot 1.12 milion euro.

Pasi meçi ndaj Ortiz në Barclays Center (Brooklyn, New York) është më i madh, edhe fitimet ndryshojnë. Kubanezi pritet të fitojë rreth 1.1 milionë euro, ndërsa amerikani 32-vjeçar rreth 1.3 milionë euro.

Ndoshta fitimet nuk janë të mëdha, por qëllimi i dyshes është fitorja pasi kështu atyre i hapet rruga që të ndeshjen me Anthony Joshuan. Britaniku është boksieri me më së shumti famë për momentin dhe një përballje me atë do të thoshte shumëfishim fitimesh.