E enjte, 21 Tetor, 2021
8.5 C
Tirana

“Është koha për t’u ringritur”, Luan Rama flet pas largimit nga LSI-ja

Pak ditë pasi njoftoi largimin nga të gjitha funksionet në Lëvizjen Socialiste për Integrim, për shkak të humbjes në zgjedhjet parlamentare të 25 prillit, Luan Rama ka dhënë një mesazh të rëndësishëm në një ditë të rëndësishme për këtë forcë politike.

Me rastin e 17-vjetorit të themelimit të LSI-së, Luan Rama trumbeton me të madhe se është koha për t’u ringritur, dhe jo për të pritur.

Nënkryetari i Lëvizjes Socialiste për Integrim, është larguar nga të gjitha funksionet në këtë parti pas humbjes në zgjedhjet e 25 prillit.

Ai njoftonte në rrjetet sociale se si drejtues i duhet të mbajë përgjegjësi edhe në rast se nuk është përgjegjës për këtë humbje. Luan Rama bënte me dije se rezultati që LSI-ja arriti në qarkun e Vlorës është në nivelin e mundësive reale të votuesve që kjo parti ka në atë qark, dhe nuk mjaftoi puna e tij që të arrinte rezultatin që meritonte.

Statusi

17 vjet prej themelimit të LSI-së:

KOHA PËR T’U RINGRITUR

Vitet ikin në rendin e tyre, kohët ndryshojnë e bashkë me kohët, ndryshojnë edhe brezat.

Të rinjtë rriten e më të rriturit duhet të kuptojnë se të tjerë të rinj duhet të vijnë.

LSI lindi si shpresë,

lindi si besim,

lindi si ndryshim.

Lindi për të qenë lëvizje.

Është koha për t’u ringritur,

Nuk është kohë për të pritur!

Është koha për t’u ringritur me besim dhe shpresë, me forcë, me guxim dhe mençuri.

LSI duhet të bëhet kauzë e të rinjve, të bëhet shtëpia e tyre. Ashtu siç thotë Migjeni, me vrull të ri, “dhe ndërgjegjet tona t’i ndezi në dashni për një ide të re”.

- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...