Avokati Spartak Ngjela ka qenë i ftuar në studion e “Top Talk”, për të folur në lidhje me situatën politike në vend. Ngjela është shprehur se presidenti Meta nuk është i ashpër, por i çmendur.
“Presidenti nuk është i ashpër, është i çmendur. Kuvendi është i pafuqishëm, duhet ti drejtohet urgjent Komisionit Shëndetësor për ta analizuar çmendurinë e presidentit”.
Është e rëndë kjo që thoni z. Ngjela.
“Nuk është e rëndë, e njeh ligji. Dy gjëra njeh ligji, tradhtinë kombëtare dhe çmendurinë e presidentit. Si mund të flasë presidenti ashtu? Ke parë ndonjë president që flet ashtu? Çfarë është ky? Ore zotëri, e di si po flet ky? Po flet sikur të jetë diktator, dhe nuk ka asgjë në dorë, i marrë”.
Presidenti thotë po mbroj Kushtetutën.
“Kushtetutën e ka Kuvendi në dorë, po të dojë i heq nesër kompetencat”.
Presidenti i Republikës, Ilir Meta, ka vendosur të kallëzojë penalisht tek Prokuroria e Krimeve te Rënda, kreun e Këshillit të Emërimeve në Drejtësi, Ardian Dvoranin. Kreu i Shtetit u shpreh se ka gati padinë, dhe paralajmëron se do të bëjë të hënën kallëzimin penal ndaj tij.
Meta gati padinë penale: Të hënën, kallëzim penal për kreun e KED
Ky i fundit i është përgjigjur paralajmërimit të presidentit Ilir Meta, se do ta padisë penalisht në Prokurori. Përmes një njoftimi të shpërndarë për mediat, Dvorani thotë se më në fund, presidenti po ushtron një të drejtë që ia ngarkon ligji dhe Kushtetuta. Ai thotë gjithashtu se është i gatshëm të përballet me ligjin, pa iu fshehur atij.
