Moderatori Arjan Çani, ka deklaruar se zgjedhjet kanë mbaruar dhe janë caktuar në tavolinë dhe se PD, bashkë me Partinë e Lirisë do të kenë vetëm një komisioner.
Teksa ka qenë i ftuar në emisionin “Të Paekspozuarit”, ku ka folur për zgjedhjet lokale, ai i mëshoi faktit se është gjetur një kleçkë e re, për ti bërë këto zgjedhje në tavolinë.
“Rezultati i ditës së zgjedhjeve, do të jetë tre komisionerë PD zyrtare, pra Alibeu, tre pushteti Edi Rama dhe një do ti mbetet partisë së Ilir Metës. Në shtatë vetë, gjashtë i ka Rama, dhë një opozita.
Në zgjedhje po shkojnë kot. Është gjetur një kleçkë e re, për ti bërë këto zgjedhje në tavolinë.
Ky është plani dhe strategjia. Që në 14 maj, do të shohim tre komisionerë të pushtetit, tre të partisë së Lul Bashës dhe vetëm një do të ketë opozita, sepse Berisha nuk do të ketë.
Është fiks ajo që kemi paralajmëruar, që Edi Rama mbase nuk do ta zhdukë fare opozitën, por e cakton kush është dhe do ta dobësojë aq shumë që pushteti të mos vihet në rrezik.
3-3-1 kjo është skema”, deklaroi Çani.
