Ish-deputetja e Partisë Demokratike, Dhurata Çupi, ka denoncuar sot rastin e një mjekje në qendrën Shëndetësore në Klos, e cila ka dalë pozitive me Covid-19.
Sipas Çupit, stafi dhe qytetarët në ditët e fundit kanë marrë shërbim mjekësor prej saj, dhe akoma nuk u është bërë tamponi. Ata kërkojnë me ngulm që të bëjnë tamponin, për të verifikuar nëse janë prekur apo jo, e ndërsa jeta e çdo qytetari vlen njësoj.
Ajo ka apeluar ndaj autoriteteve shëndetësore, të marrin masa njësoj për çdo qytetarë, si dhe të gjurmohen rastet.
Statusi
Përhapja e virusit ka dalë jashte kontrollit ndërsa shqetësimi i qytetarëve është më se i justifikuar.
Një mjeke në Qendrën Shëndetësore “ Klos” ka rezultuar pozitive me COVID 19, ndërsa stafi dhe qytetarët që ditët e fundit kanë marrë shërbim mjekësorë janë të trembur për fatin e tyre ndërsa kërkojnë me ngulm që të bëjnë tamponin për të verifikuar nëse janë prekur apo jo.
Jeta e cdo qytetari vlen njësoj.
I bëj thirrje autoriteteve shëndetësore të marrin masa njësoj për cdo qytetarë. Në këtë betejë nuk mund të ketë të privilegjuar. Testoni njerëzit. Gjurmoni rastet.
Thirrjet e opozitës për testimet e qytetarëve dhe gjurmimin e rasteve të dyshuara si të prekur nga COVID 19, duhet te kthehen në emergjencë kombëtare. Është emergjencë!
