Kryeministri Edi Rama u përfshi në një debat mbrëmjen e djeshme, teksa ishte i ftuar në emisionin “Open”.
Rama është përballur me gazetarin Robert Rakipllari, pasi ky i fundit i solli në vëmendje disa nga ashtuquajturat afera korruptive me tenderët për ndërtimin e rrugëve, dhe në një moment i ka thënë “u kape”, duke nënkuptuar implikimin e zyrtarëve në skandalin e “Unazës së Re”.
Ka qenë kjo frazë “u kape”, që e ka bërë kryeministrin të irritohet, ndërsa i kërkoi gazetarit të kërkojë menjëherë ndjesë. Rakipllari i tha disa herë që “e tërhoqa”, por kurrsesi nuk pranoi të kërkojë falje.
DEBATI:
Edi Rama: Ti mua do tërheqësh këtë tani
Edi Rama: Po flet me kryeministrin e vendit. Ti nuk i thua dot kryeministrit “u kape”
Edi Rama: Do kërkosh falje
Rakipllari: E tërhoqa
Edi Rama: Edhe njëherë këtu
Edi Rama: Mos më bëj të ngre zërin
Rakipllari: Nuk kërkoj ndjesë
Edi Rama: Si thua ti që “ti u kape”
Edi Rama: Kërko ndjesë
Rakipllari: Nuk kërkoj
Edi Rama: Ky është momenti që ti të kuptosh se jeni të përfshirë në një rrugë jakobine me “u kape, s’u kape”. Unë i përgjigjem të gjitha, nuk i shmangem asnjë pyetje. Është e patolerueshme kur një gazetar të thotë “ti u kape” për çfarë u kapa? Ku u kapa?
Rakipllari: E tërhoqa pra
