Mbrëmjen e djeshme, Arbana Osmani ka komunikuar se Beatrix nuk ka pranuar të jetë pjesë e darkës së organizuar për ish-banorët.
Kjo pasi Ermal Mamaqi i përmendi Borën Donaldit. Kujtojmë se Ermal Mamaqi, së bashku me disa personazhe të tjerë të njohur të showbizz-it, iu bashkua shtëpisë së “Big Brother VIP”.
Ai foli me banorët për serialin e tij “Humans of Tirana”, ku zbuloi me batutë që do të ftojë Bora Zemanin, në rolin e partneres së Ilir Shaqirit. Kështu, Donald Veshaj replikoi duke sugjeruar që Bora të paguhej mirë, teksa qeshi së bashku me konkurrentët e tjerë.
Marrë shkas nga komentet e shumta, Ermali, me anë të një videoje në llogarinë e tij të “Tik Tok”, sqaroi se gjithçka ishte në kuadër të shakasë.
Mbrëmja e djeshme iu dedikua Trixës dhe Donaldit, pasi këngëtarja refuzoi ftesën. I ndjerë në faj nga situata e krijuar për shkak të batutës së tij, Ermali i ka dërguar një mesazh publik Beatrixës, ku i sqaron se e gjitha ka qenë në kuadrin e shakasë.
View this post on Instagram
