Ermal Mamaqi ka zbuluar në emisionin “Soiree” në Top Channel, se për momentin nuk e ka në planet e tij rikthimin në televizion. Aktori e njëkohësisht moderatori, duket se po shijon frutet nga filmi “I Love Tropoja”, e duke iu referuar emisioneve ai e argumentoi me faktin se ishte konsumuar. Ai ka zbuluar po kështu se hapi i tij i radhës do të jetë një tjetër film.
“Tani shpejt jo. Kam qenë në një periudhë shumë të vështirë për të zgjedhur, moment i rëndësishëm që mora vendimin. Por kur ktheva kokën pas, pashë që kisha bërë 6 vite emisione duke përfshirë këtu edhe Digitalbin, edhe kisha realizuar 248 emisione, “6 ditë pa Ermalin” dhe “Xing me Ermalin”.
Ishte një konsum i jashtëzakonshëm i personazhit tim, por edhe e gjithçkaje çfarë ndodh atje. Jo çdo gjë ja vlen ose mbetet, kështu që vendosa t’i përkushtohem kinematografisë. Hapi im i radhës do të jetë një film tjetër. Kam disa ide, disa histori. Jam akoma në kërkim të historisë më të mirë”, është shprehur ai.
