Erkand Qerimaj tashmë është zyrtarisht fitues i medaljes së bronxit në Kampionatin Botëror të zhvilluar në Anaheim të SHBA një vit më parë. Këtë njoftim e ka shpërndarë vetë ai, përmes një postimi në rrjetin social Facebook.
“Zyrtarizohet marrja nga ana ime e Medaljes së Bronxit e Kampionatit Botëror, që u zhvillua në Anaheim USA! Sukses i madh i imi personal, trajnerit tim Zef Kovaci edhe i sportit shqiptar! Tashmë medaljeve të mia i shtohet edhe ajo e vendit të 3 në botë”, shkruan ai.
Qerimaj e fitoi medaljen në stilin e shkëputjes, ndërsa në dygarësh u rendit në vend të gjashtë. Ai e mbylli garën në vend të katërt, por peshëngritësi i vendit të tretë, Dimitru Kaptaru, rezultoi pozitiv me doping, ndërsa sot ka ka ardhur edhe konfirmimi nga testimet shtesë.
