Pas vendimit të papritur të presidentit Meta për të anuluar zgjedhjet e 30 qershorit, mazhoranca vijon me fushatën elektorale. Erion Veliaj, i cili kandidon për një mandat të dytë si kryebashkiak në Tiranë, përveç takimeve me qytetarët, ka nisur tu dërgojë atyre letra personale.
“E dashur familje e Tiranës sonë!
Me shumë përulësi më lejoni t’ju falenderoj për besimin dhe ndihmën tuaj në transformimin e kryeqytetit në këto 4 vite të paharruara… Mezi pres të nisim së bashku një tjetër 4- vjeçar. Për Tiranën që duam! @erionveliaj”, është ky mesazhi që Veliaj përcjell tek qytetarët.
Një ditë pasi Ilir Meta vendosi ç’dekretimin e datës së zgjedhjeve, nga Presidenca mësohet se nesër ai do të mbajë një konferencë të jashtëzakonshme për mediat në mëngjes, për shtyrjen e datës zgjedhjeve.
Meta dje vendosi që të shtyjë zgjedhjet, ndërsa kryeministri Rama e maxhoranca këmbëngulin se data 30 qershor nuk ndryshon.
Pak më herët, Edi Rama paralajmëroi nga Burreli largimin e Presidentit Ilir Meta, për të cilin tha se nga dje, e ka shkruar vetë fatin e tij dhe se e ka humbur të drejtën të qëndrojë më në atë zyrë.
“Kushtetuta s’është filxhan që rrotullohet, Meta të zhduket nga zyra!”, Rama shpërthen nga Burreli
