Kryebashkiaku i Kolonjës, dalë nga zgjedhjet vendore të 30 qershorit, Erion Isai është shprehur se ka filluar një “krizë identiteti”.
I ftuar në emisionin “Ditë e Re”, për Isain i duket e pakuptimtë që një mjek në karrierë zgjedh të shkojë në moshën 50-vjeçare si infermier azili në Gjermani.
“Ka filluar një krizë identiteti sepse nëse dikush që është në Shqipëri pa punë, pa një profesion nuk ka çfarë të humbë dhe të kërkojë të shkojë drejt Evropës. Është normale. Por kur një mjek në karrierë dhe profesion zgjedh të shkojë, ta fillojë nga fillimi në moshën.
Po ta nisja nga vetja nuk do ta merrja këtë rrugë sepse jam 1000% i sigurt që nuk do ta kem një hapësirë televizive as në Gjermani, as në Itali dhe as në Amerikë por sigurisht do bëja një punë tjetër që nuk është për tu zhbërë në aspektin e punës por në aspektin e kontributit të zhvillimit të njeriut patjetër që e zhbën”, deklaroi kryebashkiaku.
Ndërkaq, teksa diskutonin për fenomenin e emigrimit, Erion Isai shtoi që në përgjithësi shqiptarët “hidraulikun e bëjnë në shtetin e hua,j por në vendin e tyre nuk e bëjnë”.
“Por ky nuk është një fenomen që nuk kap vetëm shqiptarët. Shqiptarët përgjithësisht janë popull emigrues. Kanë qenë që në gjenezën e tyre njerëz që e kanë pëlqyer migrimin. Shqiptarët janë njerëz që hidraulikun e bëjnë në shtetin e huaj por në vendin e tyre nuk e bëjnë”, tha ia.
