Vijon tërheqja e masave ajrore të ftohta nga territori, duke sjellë rritje graduale të temperaturave.
Po ashtu vendi ynë vijon të jetë me mot të qëndrueshëm në pjesën më të madhe, duke bërë që të kemi kthjellime dhe kalime të pakta vranësirash, të cilat më të dukshme në territor do të bëhen përgjatë pjesës së dytë të ditës, ku në veri do të sjellin reshje të pakta dëbore.
Sipas Meteoalb, temperaturat e ajrit do të rriten në mëngjes dhe në mesditë, duke luhatur vlerat ditore nga -1 gradë Celsius deri në 17 gradë Celsius.
Era do të fryjë e lehtë në tokë dhe mesatare në det me shpejtësi 30 km/h nga drejtimi veriperëndimor, duke krijuar dallgëzim të ulët.
