Presidenti i Turqisë, Recep Tayyip Erdogan, ka uruar presidentin e sapozgjedhur, Ilir Meta. Presidenti turk i ka përcjellë urimet e tij nëpërmjet një bisede telefonike që pati me Metën.
Erdogan e ka falënderuar Metën për kontributin tij, si kryetar i Kuvendit, në forcimin e marrëdhënieve mes dy vendeve. Gjithashtu, Erdogan fton Metën për vizitë zyrtare në Turqi.
Presidenti i sapozgjedhur, Meta, ka shprehur besimin për forcimin e bashkëpunimit mes Shqipërisë dhe Turqisë. Ai i ka shprehur midis të tjerash Erdoganit, se rajoni përballet me sfida të mëdha stabiliteti e sigurie, që kërkojnë përgjegjshmëri e përkushtim. Meta ka theksuar se miqësia mes Shqipërisë dhe Turqisë është e rëndësishme për të gjithë rajonin.
Meta e ka ftuar homologun e tij turk që të forcojnë më tej marrëdhëniet tradicionale e vëllazërore midis 2 vendeve, sepse bashkëpunimi do t’i shërbejë sigurisë rajonale dhe luftës kundër terrorizmi.
