Presidenti i Rusisë, Vladimir Putin, do të presë sot në Zhukovski homologun e tij turk, Recep Tayyip Erdogan.
Në një njoftim të Kremlinit, thuhet se dy presidentët do të bisedojnë për luftën në Siri dhe për zhvillimin e mëtejshëm të bashkëpunimit Rusi-Turqi.
Kremlini ka deklaruar se Putini dhe Erdogani do të shtojnë përpjekjet për neutralizimin e situatës në provincën e Idlibit, ku dhuna ka detyruar dhjetëra mijëra persona të ikin nga vendi.
Në konfliktin sirian, Rusia dhe Turqia mbështesin palë të ndryshme. Ankaraja mbështet forcat që janë kundër ushtrisë qeveritare të presidentit sirian Bashar Al-Asadit, ndërsa Rusia ka ndihmuar Asadin, si dhe ka rritur prezencën ushtarake ruse në Siri që prej vitit 2015.
