Presidenti i Turqisë, Rexhep Erdogan ka premtuar se do të ndërtojë 500 njësi banimi, në ndihmë të banorëve të prekur nga tërmeti. Njësitë e banimit nuk do të jenë jo vetëm për familjet në Thumanë dhe Durrës, ka thënë ai. Apartamentet do të jenë edhe për banorët, shtëpitë e të cilëve janë kthyer në të pabanueshme.
“Shpresojmë që ekipet tona do të kryejnë punimet në vendet e përshtatshme në Shqipëri dhe si vëllezër turq do të ndërtojnë 500 njësi banimi”, ka thën ai, raporton agjencia e lajmeve Anadollu.
Shkenca përjashton plotësisht mundësinë e një tërmeti tjetër shkatërrimtar
Ditën e djeshme, nëpër media është bërë e ditur që Erdogan ka pasur një nivel të lartë interesi dhe solidariteti me Shqipërinë. Mësohet se ai ka folur dy herë në telefon me kryeminstrin Rama për të mësuar më shumë mbi situatën.
“Natyrisht qytetet ishin rrënuar seriozisht. Këtu neve na takon diçka, duhet të organizojmë një mbledhje të donatorëve, sepse në lidhje me ndërtesat e rrënuara mendoj se duhet të jemi pranë Shqipërisë, gjë e cila është veçanërisht detyrë e Organizatës Islame për Zhvillim. Besoj se është shumë e dobishme që të hedhim këtë hap. Kjo është një detyrë vëllazërie”, tha presidenti turk të mërkurën.
