“Nëse kurdët nuk tërhiqen, do t’i marrim masat e nevojshme!” Kështu ka deklaruar ditën e sotme presidenti turk Recep Tayyip Erdogan.
“Për ne, nuk ka ndryshime për sa i përket masave të nevojshme që do të duhen të merren, nëse nuk mbahen premtimet e bëra në marrëveshjet e përfunduara me SHBA-në dhe Rusinë”, tha Erdogan.
Kujtojmë se më 9 tetor, Turqia filloi një operacion në verilindje të Sirisë kundër milicisë kurde të Njësive të Mbrojtjes Popullore (YPG), të cilën e përshkruan si “terroriste”, por që mbështetet nga vendet perëndimore kundër grupit Shteti Islamik (IS).
